Shqiptarët në SkandinaviAlbanord.com
Suedia mbështet zhvillimin e forcave të reja të sigurisë në Kosovë
Qeveria suedeze i jep për detyrë Forcave Mbrojtëse që me më së shumti 700 000 kruna të ndihmojë fondin e themeluar nga Nato për mbështetjen e zhvillimit të Forcave të reja të Sigurisë në Kosovë.
Forca e sigurisë së kosovës - FSK
- Mbështetja e strukturave të sigurisë së Kosovës përbën një pjesë të rëndësishme të kontributit të Suedisë për një zhvillim të qëndrueshëm në Kosovë. Suedia ka pasë një prezencë ushtarake në kuadrin e KFOR-it në Kosovë që nga 1999. Në takt me përmirësimin e gjendjes së sigurisë janë ngritur edhe parakushtet për të kaluar në mbështetje civile, thot ministri i mbrojtjes Sten Tolgfors.
Qëllimi i fondit është mbështetja e krijimit të forcave të sigurisë të Kosovës, FSK, ndër të tjera rekrutimi, arsimimi, krijimi i lokaleve dhe pajisje tjera përkatëse. Kjo forcë me 2 500 persona ka arrirë një aftësi operative iniciale në shtator të këtij viti dhe FSK do të ketë edhe detyra civile në kuadrin e shërbimeve emergjente, thuhet veç tjerash në një komunikatë për shtyp nga Departamenti për Mbrojtje i Suedisë./Shuquri Sejdijaj/.
