Sisley Xhafa: “2 705 puthje”

Artisti shqiptar Sislej Xhafa i lindur në Kosovë por që tani jeton dhe vepron në New York do të paraqitet me krijimet e tij artistike dhe një ekspozitë të posaçme në fillim të muajit shkurt në Göteborg.

Ekspozita mban titullin “2 705 puthje” dhe paraqet serinë e parë të ekspozitave me një produksion unik që Röda Sten ofron për publikun e vet.

Sislej Xhafa ka zhvilluar një veprimtari të gjerë ndërkombëtare duke marrë pjesë në bienalet e mëdha, ndër të tjera edhe në Venedik.

Krijimtaria e tij artistike bazohet në fërkimet e përhershme ndërmjet kulturave, stileve dhe gjuhëve. Ai përdorë fotografinë, videon, objekte dhe performancën në instalacionet e tij komplekse dhe shpeshherë gjiganteske.

Ekspozita në Röda Sten në Göteborg realizohet në bashkëpunim me Magazzino d´Arte Moderna nga Roma e Italisë. Ideator dhe realizator i këtij projekti është Edi Muka, i cili nga nëntori i vitit të kaluar punon si përgjegjës për programin e ekspozitave në sallonin artistik Röda Sten.

Sipas Edi Mukës, e veçanta e ekspozitës ka të bëjë edhe me një befasi. Duke pasë parasysh se Sislej Xhafa ka jetuar një kohë në Itali, ai ngrit në shesh përplasjet e emigrantëve në vendin emigrues. Ndaj në sallën artistike po ngritet një skulpturë gjigante e Berlusconit gjë që si vepër do të jetë shumë e prehtë.

Ekspozita do të hapet më gjashtë shkurt ndërkaq për publikun do të jetë e hapur të shtunave nga ora 14-të.

Shuquri Sejdijaj

Shpërndaje


Artikuj nga kategoria e njejtë

Postuar nga on Jan 20th, 2010 and filed under Suedi. You can follow any responses to this entry through the RSS 2.0. You can leave a response by filling following comment form or trackback to this entry from your site

Posto një koment: